బిగ్ బాస్ సంబరం కాస్త ముగిసింది. మెజారిటీ పీపుల్స్ అనుకున్నట్టుగానే నిఖిల్ విన్నర్ అయ్యాడు. ఫినాలేలో ఆ ఇద్దరిలో ఎవరు గెలుస్తారని ఉత్కంఠభరితంగా సాగింది. నిఖిల్, గౌతమ్ మధ్య ఓటింగ్ లో గట్టి పోటీ జరుగగా నిఖిల్ గెలిచి.‌ గ్లోబల్ స్టార్ రామ్ చరణ్ చేతులు మీదుగా బిగ్ బాస్ సీజన్-8 ట్రోఫీ అందుకున్నాడు.

నిఖిల్ ట్రోఫీని అందుకున్న తర్వాత స్టూడియో ముందు ఎలాంటి గొడవలు జరగకుండా ముందు జాగ్రత్తగా పోలీసులు బందోబస్త్ చేశారు. నిఖిల్ ఎగ్జిట్ ఇంటర్వ్యూ(Biggboss Buzz) లో భాగంగా యాంకర్ అంబటి అర్జున్ తో కొన్ని ఆసక్తికర విషయాలు పంచుకున్నాడు. విన్నర్ అవ్వడం ఎలా ఫీల్ అవుతున్నావని యాంకర్ అడగగా.. అది ఊహకి అందనిదని నిఖిల్ అన్నాడు. అసలు ఇది ఊహించావా అని అడుగగా.. నేను మనసు పెట్టి ఆడానని నిఖిల్ అన్నాడు. నిన్ను చూస్తే ఒకటి చెప్పాలనిపిస్తుంది. తనని తాను చెక్కుకున్న శిల్పి అని నిఖిల్ ని యాంకర్ పొగుడుతాడు. నాగార్జున సర్ నా చెయ్యి పట్టుకొని పైకి లేపాక నేను షాక్ లో ఉండి పోయా అని నిఖిల్ తన ఫీలింగ్ ని చెప్పాడు. ట్రోఫీ గెలిచాక డైరెక్ట్ గా నీ దగ్గరికి వస్తానన్నావ్ .. ఇప్పుడు తన దగ్గర కి వెళ్తావా అని అర్జున్ సూటిగా నిఖిల్ ని అడుగగా.. బయటకు వెళ్ళాక సిచువేషన్ బట్టి అంటూ సమాధానమిచ్చాడు నిఖిల్. గౌతమ్ పై చాలా సార్లు అగ్రెసివే అయ్యావ్ ఎందుకని అని అడగ్గా.. తను కూడా నాపై చాలా సార్లు అగ్రెసివ్ అయ్యాడు 

వందసార్లు మనది తప్పని చెప్పినప్పుడు మనోడిది కూడా ఒక్కసారి అయినా చెప్పాలి కదా అని నిఖిల్ కౌంటర్ ఇచ్చాడు. హౌస్ మేట్స్ గురించి అడుగగా.. హౌస్ లో ఫేక్ మణికంఠ.. కన్నింగ్ బేబక్క.. స్ట్రాంగ్ నబీల్.. జెన్యూన్ పృథ్వీ అంటూ తన ఒపీనియన్ ని సూటిగా చెప్పాడు నిఖిల్. ఇక బిగ్ బాస్ నాగార్జున గురించి ఒక్క మాటలో పొగిడేసాడు.ఆ తర్వాత నిఖిల్ చే అర్జున్ కేక్ కట్ చేయించాడు. ఈ ప్రోమో చూస్తుంటే ఫుల్ ఎపిసోడ్ ఎప్పుడు వస్తుందా అని ఎదురుచూసేవారు చాలానే ఉంటారని తెలుస్తోంది. ఇలా మొత్తానికి ఈ సీజన్ విజవంతంగా ముగిసింది.